19 yanvar 2021-ci il tarixində Xəzər rayon Mərkəzləşdirilmis Kitabxana Sisteminin Mərkəzi Kitabxanası və Antalya Azərbaycan Mədəniyyət və Həmrəylik təşkilatı tərəfindən birgə əməkdaşlıq layihələri çərçivəsində "20 yanvar- Şərəf və qürur yaddaşımız" adlı onlayın tədbir keçirilmişdir. Tədbirdə Milli Azərbaycan Tarixi Muzeyinin Elmi- kütləvi iş və təhsil şöbəsinin elmi işçisi Sahibə Ələkbərova da iştirak etmişdir. O, " Şəhidlərin qəhrəmanlıq səlnaməsinin muzeylərdə təbliği" adlı məruzəsində gənclərin düzgün istiqamətdə , tərbiyəsində təhsil müəssisələri ilə yanaşı mədəniyyət müəssisələrinin, xüsusilə də muzeylərin özünəməxsus payı olduğunu qeyd etmişdir. S.Ələkbərova öz çıxışında Respublikamızın müxtəlif profilli muzeylərində sistematik olaraq keçirilən tədbirlər, elmi-praktik konfranslar, dəyirmi masalar və açıq dərslər, seminarlar, yaradılan sərgilər, məsafəli tədrisin inkişafı üçün nəzərdə tutulan onlayn tədbirlər gənclərin ideya- tərbiyə prosesində həlledici rol oynadığını xüsusi vurğulamışdır. Sonda tədbir iştirakçılarını yaxın günlərdə Milli Azərbaycan Tarixi Muzeyində açılacaq" Vətən müharibəsi" adlı sərgiyə baxmağa dəvət etmişdir.
İsmayıllı rayonunun Basqal qəsəbəsi və Sulut kəndində görkəmli Azərbaycan arxeoloqu, tarix elmləri namizədi Fazil Osmanovun anadan olmasının 90 illiyinə həsr olunmuş “Tarixi yerlər və abidələr” VI Beynəlxalq Sulut Simpoziumu keçirilib.
Milli Azərbaycan Tarixi Muzeyində akademik Əbdülkərim Əlizadə və professor Sara Aşurbəylinin 120 illik yubileylərinə həsr olunmuş “TARİXİN ÖYRƏNİLMƏSİNİN VƏ TƏDRİSİNİN AKTUAL PROBLEMLƏRİ” mövzusunda respublika elmi konfransı keçiriləcək.