Azərbaycan Respublikasının Prezidenti cənab İlham Əliyevin sərəncamına əsasən isə, 2025-ci ilin sentyabr ayında Üzeyir Hacıbəylinin anadan olmasının 140 illiyi geniş şəkildə qeyd olunur.

Üzeyir Hacıbəyov Azərbaycan musiqi sənətində əvəzsiz xidmətlər göstərmiş, Şərqdə ilk opera– “Leyli və Məcnun”, həmçinin ilk musiqili komediya və müxtəlif janrlarda çoxsaylı əsərlərin müəllifi kimi tarixdə silinməz iz qoymuşdur. Onun yaratdığı zəngin irs milli musiqi mədəniyyətimizi zənginləşdirməklə yanaşı, dünya musiqi mədəniyyətində də özünəməxsus yer tutmuşdur.

Görkəmli bəstəkarın həyat və yaradıcılığına aid dəyərli eksponatlar muzeyin ekspozisiyasında nümayiş olunur, eyni zamanda bəstəkarın təqdim olunan stolüstü medalı isə Köməkçi tarixi fənn materialları fondunda qorunur. Həmin medal 1966-cı ildə bəstəkarın 80 illik yubileyi münasibətilə Moskva zərbxanasında tompak materialdan hazırlanmışdır. Medalın ön tərəfində Üzeyir Hacıbəylinin büstü təsvir olunmuş, ətrafına kiril qrafikası ilə “Üzeyir Hacıbəyov 1885–1945” sözləri həkk edilmişdir. Arxa tərəfində isə onun məşhur “Koroğlu” operasından bir səhnə əks etdirilmişdir.

Beləliklə, Üzeyir Hacıbəylinin zəngin irsi həm xalqımızın musiqi yaddaşında, həm də muzeyimizdə qorunaraq gələcək nəsillərə ötürülür.