Milli Azərbaycan Tarixi Muzeyinin Xüsusi fondunun müdiri, t.ü.f.d., dosent Afət Rüstəmbəyova AZƏRTAC-ın “Тема дня” (Günün mövzusu) verilişinin qonağı olub. 8 Mart – Beynəlxalq Qadınlar Gününə həsr olunmuş verilişdə A. Rüstəmbəyova zərgərlik sənətinin tarixi, texniki üslubları, zamanla dəyişən zövqlər, dəblər, tarixi-mədəni əlaqələr və simvollar haqqında ətraflı məlumat verib. Eyni zamanda, o, muzeyin Xüsusi fondunda qorunan zinət əşyaları – kəmər, sırğa, baş bəzəyi və digər eksponatlar barədə geniş danışıb.