Milli Azərbaycan Tarixi Muzeyində İnnovasiyalar və təhsil proqramları şöbəsinin təşkilatçılığı ilə 2 fevral - Azərbaycan Gəncləri Gününə həsr olunmuş  “Zəhmət ilə gələn zinət. Dərsimiz - Hacı Zeynalabdin” adlı xeyriyyə tədbiri - interaktiv dərs keçirilib. H.Z.Tağıyevin ev muzeyində keçirilən interaktiv dərsdə 8 nömrəli Sanatoriya tipli internat məktəbinin gəncləri iştirak edib.

İki hissədən ibarət olan dərsin birinci hissəsində  şagirdlərə H.Z.Tağıyevin ev muzeyinə ekskursiya təşkil olunub, onun həyat və fəaliyyətindən bəhs edilib. Dərsin ikinci hissəsində isə intellektual oyun təşkil olunub.

Sonda Milli Azərbaycan Tarixi Muzeyi adından internat məktəbinin gənclərinə hədiyyələr təqdim edilib.