Milli Azərbaycan Tarixi Muzeyində fəaliyyət göstərən “Arxeo” klubun “Qazıntıdan fonda” adlı tədbiri keçirilib. Budəfəki tədbirin qonaqları Azərbaycan Kooperasiya Universitetinin “Muzey, arxiv işi və abidələrin mühafizəsi” ixtisası üzrə təhsil alan III kurs tələbələri olub. Tədbirdə muzeyin əməkdaşları- elmi katib , t.ü.f.d., dos. Sevinc Nəsirova, Arxeologiya elmi fond şöbəsinin müdiri, t.ü.f.d., dos. Nasir Quluzadə, Sənədli məbələrin elmi fond şöbəsinin müdiri Esmira Rəhimova, Azərbaycan Kooperasiya Universitetinin Menecment və marketinq fakültəsinin dekanı i.ü.f.d. Eldəniz Məhərrəmov və universitetin müəllimi Ramin Bayramov iştirak ediblər.