Muzeydə “Zəhmət ilə gələn zinət. Dərsimiz - Hacı Zeynalabdin” adlı növbəti interaktiv və "Xarıbülbülün vətəni - Şuşa" adlı ustad dərsləri keçirilib (ingilis dilində). Davamlı olaraq H.Z.Tağıyevin ev-muzeyində keçirilən növbəti maarifləndirici dərslərdə LANDAU School-un şagirdləri iştirak edib. İki hissədən ibarət olan dərsin birinci hissəsində şagirdlərə məşhur xeyriyyəçi H.Z.Tağıyevin həyat və fəaliyyətindən bəhs edilib. Daha sonra H.Z.Tağıyevin ev-muzeyində ekskursiya aparılıb. Dərsin ikinci hissəsində isə şagirdlər üçün intellektual oyunlar təşkil olunub.