Muzeyin Azərbaycan tarixinin elmi tədqiqi və təqdimi şöbəsinin əməkdaşı, t.ü.f.d., dos. Əli Fərhadovun elmi redaktorluğu ilə "Səyahətnamə" əsəri nəşr olunub (Bakı: Elm və təhsil, 2023, 176 s.). İctimai-siyasi və dövlət xadimi, yazıçı Nəriman Nərimanovun böyük qardaşı olan, yazıçı, publisist, şair Salman Nərimanov "Səyahətnamə" əsərində Şərq ölkələrinə səyahətindən, H.Z.Tağıyevin xeyriyyəçilik və maarifçilik fəaliyyətindən, ziyalıların xurafat və mövhumata qarşı mübarizəsindən bəhs edib. Əsərin əlyazması AMEA-nın Əlyazmalar İnstitutunda qorunur.
Sözügüdən kitab Nəriman Nərimanovun Xatirə Muzeyinin dəstəyi ilə və ərəb əlifbasından Arif Ramazanov tərəfindən transliterasiya edilərək ilk dəfə oxuculara təqdim olunub.