Özbəkistan Respublikası Mədəniyyət Nazirliyinin Mədəni Tədqiqatlar və Qeyri-Maddi Mədəni İrs İnstitutunun nümayəndə heyəti ilə Milli Azərbaycan Tarixi Muzeyini ziyarət görüş keçirilib. Qonaqları muzeyin direktoru, akademik Nailə Vəlixanlı və muzeyin direktor müavini, tarix elmləri doktoru, dosent Fərhad Cabbarov qarşılayıb.

Görüş zamanı Azərbaycan və Özbəkistan xalqları arasında mövcud olan qədim tarixi-mədəni əlaqələr, ortaq irs və gələcək əməkdaşlıq perspektivləri ətrafında fikir mübadiləsi aparılıb. Qonaqlara Milli Azərbaycan Tarixi Muzeyinin fəaliyyəti, fondları və elmi-tədqiqat istiqamətləri barədə ətraflı məlumat verilib.

Söhbət zamanı muzeylərarası və elmi-mədəni əməkdaşlığın inkişaf etdirilməsinin əhəmiyyəti vurğulanıb. Görüş çərçivəsində qonaqlara muzeyin zəngin kolleksiyası əsasında hazırlanmış nəşrləri hədiyyə olunub.

Sonda xatirə fotosu çəkdirilib.