Sankt-Peterburq şəhərində (Rusiya Federasiyası) Tavriçeskiy Sarayında “MDB xalqlarının birlik kollektiv yaddaşında Böyük Vətən müharibəsi: Qələbənin 80 illiyi münasibətilə” mövzusunda beynəlxalq konfrans keçirilib. Konfransda Milli Azərbaycan Tarixi Muzeyinin Beynəlxalq əlaqələr və ictimaiyyətlə iş şöbəsinin böyük elmi işçisi, t.ü.f.d. Fuad Ağayev “Böyük Vətən Müharibəsi (1941–1945) tarixində Azərbaycanın rolu və yerini öyrənmək üçün tarixi mənbə kimi Milli Azərbaycan Tarixi Muzeyinin kolleksiyaları” adlı məruzə ilə onlayn formatda çıxış edib. F.Ağayev çıxışı zamanı konfrans iştirakçılarına sözügedən tarixi dövrə aid Milli Azərbaycan Tarixi Muzeyinin kolleksiyalarında qorunan materiallar- Azərbaycan milli diviziyaları, Sovet İttifaqı Qəhrəmanları, partizan hərəkatının iştirakçıları və digər mühüm mənbələr barədə ətraflı məlumat verib. Məruzə iştirakçılar tərəfindən maraqla qarşılanıb.

Konfransın əsas məqsədi Böyük Vətən müharibəsində Qələbənin 80 illiyi ilə bağlı MDB ölkələrində həyata keçirilən tədbirlərin müzakirəsi və ümumiləşdirilməsi olub.