18 Aprel – Beynəlxalq Abidələr və Tarixi Yerlər Günü münasibətilə Azərbaycan Respublikası Mədəniyyət Nazirliyinin tabeliyində fəaliyyət göstərən muzeylərdə “Açıq qapı” günü elan olunub. Bu təşəbbüs çərçivəsində Milli Azərbaycan Tarixi Muzeyində yerli və xarici ziyarətçilər üçün ödənişsiz ekskursiyalar təşkil edilib. Qonaqlara muzeyin zəngin kolleksiyası, Azərbaycanın mədəni irs nümunələri və binanın tarixi haqqında ətraflı məlumat təqdim olunub. Muzeyin yerləşdiyi memarlıq abidəsi və ekspozisiyada nümayiş olunan unikal eksponatlar ziyarətçilər tərəfindən böyük maraqla qarşılanıb.

Qeyd edək ki, “Açıq qapı” gününün keçirilməsi cəmiyyətin muzeylərə olan marağının artırılması və tarixi-mədəni irsin qorunmasına diqqətin gücləndirilməsi baxımından xüsusi əhəmiyyət kəsb edir.