AMEA Milli Azərbaycan Tarixi Muzeyinin qocaman əməkdaşı, Bərpa laboratoriyasının bərpaçı-rəssamı, əməkdar mədəniyyət işçisi, gözəl mütəxəssis Əmir Yusif Zəvərov 86 yaşında vəfat etmişdir.
Əmir müəllim intizamında dəqiq olduğu kimi, peşəkar fəaliyyətində də məsuliyyətli idi. Son günlərinədək muzeyin arxeoloji materiallarını bərpa edərək onlara ikinci həyat bəxş etmişdir. İxtisasca memar olan Ə.Zəvərov SSRİ Memarları İttifaqının üzvü olmuşdur. Əhəmiyyətli layihələrin müəllifi olan Ə.Zəvərov gənc yaşlarından arxeolji ekspedisiyaların tərkibində memar və rəssam kimi iştirak etmişdir. Onun böyük təcrübəsi muzeydə arxeoloji eksponatların bərpasında öz əksini tapmışdır.
Əmir Yusif Zəvərovun vəfatı ilə əlaqədar ailəsinə dərin hüznlə başsağlığı verir, Allahdan rəhmət və səbir diləyirik!
9 sentyabr 2026-cı il tarixində Milli Azərbaycan Tarixi Muzeyində fəlsəfə doktoru hazırlığı üzrə doktoranturaya qəbul olmaq istəyən iddiaçılar üçün ixtisas imtahanı keçirilib.
Sentyabrın 1-i tanınmış xeyriyyəçi və sahibkar Hacı Zeynalabdin Tağıyevin (1838-1924) vəfatının ildönümü münasibətilə Milli Azərbaycan Tarixi Muzeyinin əməkdaşları onun Mərdəkandakı məzarını ziyarət etmişlər.