15 oktyabr 2026-cı il tarixində Milli Azərbaycan Tarixi Muzeyində “Mədəniyyətlərarası Dialoq naminə Qlobal İttifaq” (GUIDE) İctimai Birliyinin təşəbbüsü ilə maarifləndirici təlim təşkil olunub. Təlimdə muzey əməkdaşları, ali təhsil müəssisələrinin tələbələri və könüllülər iştirak ediblər.

UNESCO üzrə Azərbaycan Respublikasının Milli Komissiyasının 2026–2028-ci illər üzrə Fəaliyyət Planı çərçivəsində keçirilən təlim muzeylərin inkişafı və idarəetmənin təkmilləşdirilməsi məsələlərinə həsr olunub. İştirakçılara bu sahədə müasir yanaşmalar, eləcə də bilik və bacarıqların artırılması imkanları barədə məlumat verilib.
Təlim muzey işinin təkmilləşdirilməsi və mədəni irsin qorunması sahəsində maarifləndirmənin gücləndirilməsinə xidmət edib.