Azərbaycan Respublikasının Prezidenti İlham Əliyevin müvafiq sərəncamına əsasən, 2026-cı ilin noyabr ayında görkəmli xalçaşünas alim, Xalq rəssamı, SSRİ Dövlət mükafatı laureatı Lətif Hüseyn oğlu Kərimovun anadan olmasının 120 illiyi tamam olur.
Bu əlamətdar yubiley münasibətilə Milli Azərbaycan Tarixi Muzeyində “Lətif Kərimov və Azərbaycan xalça sənətinin elmi tədqiqi” adlı elmi seminar keçiriləcək.
Azərbaycan xalça sənətinin öyrənilməsi, sistemləşdirilməsi və dünya miqyasında tanıdılması istiqamətində mühüm xidmətləri olan Lətif Kərimovun zəngin elmi və yaradıcılıq irsinin araşdırılması seminarın əsas məqsədini təşkil edir. Tədbir çərçivəsində görkəmli sənətkarın Azərbaycan xalçaçılıq sənətinin inkişafına verdiyi töhfələr, xalçaların təsnifatı və ornamentlərinin tədqiqi sahəsindəki fəaliyyəti, eləcə də milli-mədəni irsin qorunmasındakı rolu müzakirə olunacaq.
İsmayıllı rayonunun Basqal qəsəbəsi və Sulut kəndində görkəmli Azərbaycan arxeoloqu, tarix elmləri namizədi Fazil Osmanovun anadan olmasının 90 illiyinə həsr olunmuş “Tarixi yerlər və abidələr” VI Beynəlxalq Sulut Simpoziumu keçirilib.
Milli Azərbaycan Tarixi Muzeyində akademik Əbdülkərim Əlizadə və professor Sara Aşurbəylinin 120 illik yubileylərinə həsr olunmuş “TARİXİN ÖYRƏNİLMƏSİNİN VƏ TƏDRİSİNİN AKTUAL PROBLEMLƏRİ” mövzusunda respublika elmi konfransı keçiriləcək.