Milli Azərbaycan Tarixi Muzeyinin Azərbaycan tarixinin elmi tədqiqi və təqdimi şöbəsinin müdiri, tarix elmləri doktoru Nərgiz Əliyeva Türkiyədə fəaliyyət göstərən Türk Dünyası Araşdırmaları Beynəlxalq Elmlər Akademiyası tərəfindən yüksək mükafatla təltif olunub.

Alim türk dünyasında elmin və təhsilin inkişafına verdiyi mühüm töhfələrə görə akademiyanın rəhbərliyinin qərarı ilə “Qızıl ulduz” medalı ilə mükafatlandırılıb, eyni zamanda Akademiyanın akademik üzvü seçilib. Bu təltif Nərgiz Əliyevanın beynəlxalq elmi mühitdə qazandığı uğurların göstəricisi olmaqla yanaşı, Azərbaycan elminin və Milli Azərbaycan Tarixi Muzeyinin fəaliyyətinin yüksək qiymətləndirilməsidir.