Kataloqda güləbətin tikmə sənətinin tarixi, etimologiyası araşdırılmış, müxtəlif texnologiyaları barədə məlumat verilmişdir. Araşdırmaya Milli Azərbaycan Tarixi Muzeyinin kolleksiyasına aid olan geyim elementləri, evlərin daxili sahmanı üçün istifadə edilən maddi mədəniyyət nümunələri, aksesuarlar, islam dininə aid materiallar, patrondaşlar, yəhər üstülər, tikmələr daxil edilmişdir. Güləbətin tikmənin texnikaları ilk dəfə olaraq yeni təsnifatda təqdim edilmişdir.